2014年6月1日

漫遊龍脊、港島徑第8段、大浪灣~

在華星冰星吃了豐富午餐, 我們就乘車去港島徑第8段的起點: 土地灣~~ 在筲箕灣港鐵站的巴士總站, 就可以乘坐新巴9號 (往石澳), 於中途的"土地灣站"下車便可~~ 我們去到剛好有車, 亦有最後2個位, 可以坐一陣~~



未講路徑之前, 讓大家看看2張在"龍脊"上、居高臨下觀景的相片~~ 雖然天氣勁熱, 但就是這種天氣才看到港島最美麗的一面~~




說回這條港島徑第8段~~ 下了巴士之後, 就會見到指示牌:


證明我們的位置正確~~ 而且巴士站都有不少遠足人士, 這條果然是熱門行山徑~~ 根據旅發局的介紹, "龍脊"早在2004年已被《時代周刊》(亞洲版) 選為"亞洲最佳城市遠足徑"~ "龍脊"是指由打爛埕頂山至雲頂山的一段山路, 因從高處看來猶如一條伏臥的龍, 因而得名~~


藍天白雲真係好漂亮, 不過真係愈行愈熱...


周圍都是這種美美的粉紅色野花~~


這段山路樹林不高, 當然要戴帽或用遮~~ 另外部分山路較平, 但亦有不少碎石或起伏, 走路時都要小心~~


行到半路, 可遠眺大潭水塘及附近的豪宅~~ 天公造美, 唔係太陽太猛烈, 真係想睇多一陣先走~~


翠綠的山麓~~


其實仲可以望到更遠, 應該是舂坎角半島, 不過相機唔夠力影咁遠~~


好美的景色~~


行了一段上山路, 去到一個小亭~~


繼續跟指示牌上山~~ 上面就是龍脊了~~


辛苦地行上去, 去到一個平坦開揚的位置~~


眼簾下就是石澳和海岸的美景~~ 真係好似遠足網站的介紹, 天氣好的時候風景很出色, 和外國相比有過之而無不及~~ 聽到幾個行過的後生仔話, 大浪西灣的風景仲靚~~ 我信架, 如果這日有人去那邊, 一定都影到靚相~~ 不過個人覺得眼前的又是另一種美~~ 汗流浹背行到上來都是值得的~~


已經很久沒有去過石澳~~ 上一次已經是中學時代的秋季旅行~~


沙灘好多人呀~~ 在山上看都成了一個個小點~~


停車場泊到滿哂~~


這個是石澳的大頭洲~~ 老公一見到, 就話估唔到那裡有這個小洲, 話好想去行吓, 不過這日唔夠時間, 要下次先可以去啦~~


再遠一點, 就是東龍島, 還有見到清水灣高爾夫球場~~~


另一面又見到紅山半島等等的建築物, 還有大潭灣~~


山路有些位置都幾斜, 都要老公幫一幫手先行到~~ 所以不太適合一家大細, 而且天氣好才可以行, 唔係就行到成腳泥濘, 而且可能好滑添...


幾曬都好, 都要影多幾張相~~


又看到指示牌, 繼續向大潭峽進發~~


又到了一個平坦的地方~~ 有根很大的標距柱~~ 不知它在這裡看海多少年?~~


原來我們行到打爛埕頂山~~~ 已經用了差不多2小時啦...


風景依然壯觀~~~


好想坐喺度睇多一陣, 風景太好了, 不過實在太曬啦...


再行多一段路, 就到龍脊觀景台~~ 有這個介紹牌指出周圍的景觀~~


老公幫我景的看海照~~ 不過坐多一陣都熱死, 因為張椅子都係燙手的...


行過了觀景台, 再行了一段路, 又到了另一個路口~~ 因為我們想去大浪灣, 所以繼續向大潭峽那邊行~~


這段路景觀不多, 因為是林蔭小路, 不過就不怕曬了~~ 終於可以涼少少~~


雖然這段路大致平順, 不過都有小部份位置是石頭或者"冇路"......行過時都要小心~~


中途有一些山澗, 若果不怕河水不潔, 可以用來洗手或沾濕毛巾抹汗, 一定更加涼快~~


突然看到一些"十字花"~~ 很有趣哩~~


亦有其他野花~~


行了約大半個小時, 就會見到一座圓形的建築物~


這座是政府建築, 亦表示呢一段是石屎路~~


而我們算是完成了"龍脊"的路段~~ 希望下次又有機會上去看風景~~


沿住石屎路行了一段, 就會有一個涼亭, 可以遠望柴灣、將軍澳的景色~~


這天的天氣很好, 望到好遠哩~~


中途見到一些不知名的果子~~


成棵樹都是"十字花"~~ 不過影得唔係咁好~~


行到這裡, 這條是哥連臣山引水道~~ 其實如果唔行龍脊, 或者想由柴灣行去, 由柴灣行上哥連臣山就得~~


這裡還有一個涼亭~~ 不過可能時間已晚, 周圍幾乎冇人~~


距離涼亭不遠, 就有一條向下行的樓梯~~ 另一邊就可以行去小西灣, 即係想由柴灣起行, 就可以由小西灣行來這裡再上龍脊~~


我們想去大浪灣, 當然是行落去~~ 這裡亦是港島徑第8段~~ 其實我們仲行緊第8段架~~


山路質素尚可, 不過有些位置都有幾多石頭, 都係小心一點好~~ 另外會有人帶狗散步, 如果怕狗的也要小心~~


又行了半個小時有多, 快到終點了~~


見到我們這次最後一個標距柱了~~


開始見到不少村屋~~


可能太多人向村民問路, 所以地下有這個指示~~


這條是大浪灣村~~


附近有個公園, 不過冇行入去了~~


行到去大浪灣沙灘, 已經差不多6點, 即係我們用了4小時有多才行足全程~~ 救生員都就嚟收工, 不過周圍仲有好多人游水、玩水同玩樂~~


這裡原來都有地質公園那些地貌~~ 好有趣的岩石層~~


太陽快下山了~~


下次有機會都想來玩水~~ 仲有來看看地質景觀~~



遠看都見到不少岩石層和山洞, 不過因為已經幾疲累, 加上自己對波鞋入沙, 唔行得沙灘, 唯有回程返筲箕灣~~ 連近在咫尺的石刻都冇睇添...

之後就行出去大浪灣停車場, 排隊等紅VAN回筲箕灣, $12一位~~ 如果想去埋石澳, 都有紅VAN, $10位, 貴過出番市區, 都係下次先去石澳~~ 其實都可以等9號巴士, 不過可能石澳已經載滿, 或者有指定班次才入大浪灣, 比小巴仲少車...


去番筲箕灣總站搭電車~~ 第一次來這裡哩~~


晚餐簡單, 去了"四海遊龍" (又同"龍"有關~~) 老公叫了一個酸辣水餃麵, 少少酸, 少少辣, 味道都OK~~ 隨餐附送的酸梅汁幾好味~~


我就叫了煎餃子~~ 煎得有點過火, 不過味道都可以~~

食飽飽, 周圍行多一陣, 就乘車回家, 結束這日的行程了~~

如果對"龍脊"、港島徑第8段有興趣, 可以看看以下的介紹:

http://www.discoverhongkong.com/tc/see-do/great-outdoors/hikes/dragons-back-hiking-tour.jsp

http://www.oasistrek.com/dragons_back.php

http://hikersweb.mysinablog.com/index.php?op=ViewArticle&articleId=235232

http://peacesail.wordpress.com/2013/11/22/%E6%94%9D%E8%A1%8C%E9%BE%8D%E8%84%8A/

http://sharpbaby.pixnet.net/blog/post/40046835

http://www.pangsy.com/?p=2317

沒有留言:

張貼留言